डडेल्धुरा:
पदम जोरा,जोगबुढा
परशुराम नगरपालिका वडा.न ८ को आयोजनामा चौथो वडाअध्यक्ष कप भलिवल प्रतियोगिता उदघाटन भएको छ ।
परशुराम नगरपालिकाको आर्थिक वर्ष २०७९/०८० को वार्षिक स्वीकृत युवा लक्षित कार्यक्रम अन्तरगत प्रतियोगिता आयोजना गरिएको वडा अध्यक्ष दिनेश प्रसाद जोशीले जानकारी दिनु भएको छ ।
प्रतियोगितामा वडा.न. ८ का ५ महिलाका र ७ पुरुषका गरि १२ टिमका सहभागिता रहेको छ ।
वडा.न ८ स्थित बैजनाथ माद्यमिक बिद्यालयको प्राङ्गणमा प्रतियोगिता उद्घाटन भएको हो ।
वडा.न ८ का वडाअध्यक्ष दिनेश प्रशाद जोशीको अध्यक्षता तथा परशुराम नगरपालिकाका उप–प्रमुख बिमला कुमारी बोहरा (महता) को प्रमुख अतिथ्यताका प्रतियोगिता उद्घाटन भएको हो ।
कार्यक्रमको बिशिष्ठ अतिथीमा जिल्ला समन्वय समिति सदस्य एबम् वडा न. ८ का वडासदस्य लिला कुमारी धामी रहनु भएको थियो
कार्यक्रमको उदघाटन समारोहमा सुभकामना व्यक्त गर्दै प्रमुख अतिथि उप–प्रमुख बिमला कुमारी बोहरा महताले राष्ट्रकालागि खेलकुद, स्वास्थ्यका लागि खेलकुद र अनुशासनका लागि खेलकुद भन्ने नारालाई सार्थक पार्ने गरि भलिवल खेल खेल्न खेलाडी लाई अनुरोध गर्नु भयो ।
परशुराम नगरपालिकाको आयोजनामा हुने मेयर,उपमेयरकप अयोजना हुने भएकाले उक्त प्रतियोगितामा छनौट हुने गरि यस वडावाट खेलडी छनौट हुने गरि मेहनत गर्न हुन समेत उहाँले वताए ।
खेल तर्फ सबैको आकर्षण घटेको चिन्ता व्यक्त गर्दै उप–प्रमुख बोहराले नगरपालिकाले आउने आर्थिकवर्षमा कार्यक्रम लाई युवा, युवती, वालवालिका र खेलकुद लक्षितमा हाम्रो ध्यान केन्द्रीत भएको बताइन ।
