डडेल्धुरा : डडेल्धुराको परशुराम नगरपालिका-१ सलौनका स्थानिय सामुहिक श्रमदानमा जुटेका छन्।
यहि फाल्गुन २५ गते आउदै गरेको महाशिवरात्रीलाई लक्षित गर्दै परशुराम-१ बडिगाडामा रहेको शिवधामको भौतिक व्यवस्थापन तथा सरसफाइमा जुटेको शिवधाम क्षेत्र बिकास समितिका सल्लाहकार संयोजक केशब राज अवस्थीले बताएका छन् ।
मेला व्यवस्थापन गर्ने उद्देश्यले महाशिवरात्रीको आगमन पुर्व शिवधाम बडीगडा क्षेत्र विकास समिति, परशुराम नगरपालिका-१ सलाैनले शिवधामकाे भाैतिक व्यवस्थापन तथा सरसफाइका कामहरु निरन्तर जारी राखेकाे बताइएको छ।
यसै क्रममा आज जानकी सामुदायिक वनका महिला, यस क्षेत्रका युवा युवति लगायतले श्रमदानमा सहभागिता जनाएका छन् । स्थानियबासिसंगै बिभिन्न सहयोगदाताहरुले श्रमदान तथा शिवधामलाई सहयोग गरिरहेको उनले बताए। धामलाई अवस्यक पर्ने ढुङ्गा, सिमेन्ट, गिट्टि बालुवा लगाएतका समाग्रिहरु दाताहरुबाट स्वस्फुर्त रुपमा सहयोग आइरहेको अवस्थीले जानकारी दिए । 
उक्त क्षेत्रमा शिवरात्रीको अवसरमा हरेक बर्ष भव्यमेला लाग्ने गरेको छ।
