बुटवल । रूपन्देहीमा आमालाई लिएर बाेलबम दर्शन गराउन हिँडेका छाेराकाे दुर्घटनामा ज्यान गएकाे छ।
सोमबार बिहान स्कुटरमा आमासँगै मन्दिर दर्शनका लागि गएका बुटवल–१३ बेलबासका अंकित पाठकको मोटरसाइकलको ठक्करबाट ज्यान गएको हो।
दुर्घटनामा परी गम्भीर घाइते भएकी अंकितकी आमाको लुम्बिनी प्रादेशिक अस्पतालको सघन उपचार कक्षमा उपचार भइरहेको प्रहरीले जनाएको छ।
इलाका प्रहरी कार्यालय बुटवलका प्रमुख विजयराज पण्डितले घटनामा बुटवल उपमहानगरपालिका-१३ का २३ वर्षीय अंकित पाठकको मृत्यु भएको र दुई जना घाइते भएको जानकारी दिए।
बुटवलको बेलबासमा अंकितले चलाएको लु ८५ प ३१३३ नम्बरको स्कुटरलाई कपिलवस्तुका सागर थारुले चलाएको लु १९ प ८८७५ नम्बरको मोटरसाइकलले ठक्कर दिएको हो।
ठक्करबाट गम्भीर घाइते भएका अंकितको उपचारकै क्रममा मृत्यु भएको हो। उनकी आमा ४३ वर्षीय गाैमुखी पाठक र माेटरसाइकल चालक कपिलवस्तुकाे बाणगंगाका सागर घाइते भएकाे प्रहरीले जनाएको छ।
घाइते दुवैजनाको लुम्बिनी प्रादेशिक अस्पताल बुटवलमा उपचार भइरहेको प्रहरीले जनाएको छ।
