कञ्चनपुर: कञ्चनपुरमा वनभोज खान गएका एक युवकको मृत्यु भएको छ । प्रहरीका अनुसार भीमदत्त नगरपालिका-१० जिमुवाका २६ वर्षीय बिक्की भनिने विक्रम विष्टको मृत्यु भएको हो ।
मंगलबार वनभोज खान गएका उनको भीमदत्तकै चुरे क्षेत्रमा रहेको खन्या खोलामा चिप्लिएर मृत्यु भएको प्रारम्भिक अनुसन्धानबाट खुलेको कञ्चनपुर प्रहरी प्रवक्ता प्रहरी नायब उपरीक्षक उमेश जोशीले बताए ।
विष्टसँग उनका अरू तीन जना आफन्त पनि वनभोज खान गएका र उनीहरूले प्रहरीलाई दिएको बयान अनुसार खोलाबाट माथि चुरे उक्लिँदा चिप्लिएर बिष्टको मृत्यु भएको प्रारम्भिक जानकारी गराइएको छ ।
चिप्लिएर घाइते भएका उनलाई उपचारको लागि महाकाली प्रादेशिक अस्पताल ल्याइएकामा चिकित्सकले मृत घोषणा गरेका थिए । घटनाबारे थप अनुसन्धान भइरहेको प्रहरीले जनाएको छ ।
