डडेल्धुरा: पुर्व अर्थमन्त्री तथा माओवादी उपमहासचिव बर्षमान पुन ‘अनन्त’ आलिताल आउने भएका छन् । डडेल्धुराको आलिताल गाउँपालिकामा हुन गइरहेको पाँचौ पालिका स्तरिय खुला भलिबल तथा क्रिकेट प्रतियोगिताको उद्घाटन गर्न नेता पुन आलिताल आउने भएका हुन् ।
आलिताल गाउँपालिका वडा नम्बर ८ घुम्ति स्थित खेल मैदानमा पाँचौ अध्यक्ष कप भलिबल तथा क्रिकेट प्रतियोगिता बुधबार (माघ २३) देखी सुरु हुने गाउँपालिका अध्यक्ष शेर सिंह पार्कीले बताएका छन् ।
भलिबलसँगै क्रिकेट प्रतियोगिता पनि खेलमा समावेश गरिएको छ । खेलमा महिला र पुरुष दुबै टिमले सहभागिता जनाउन सक्ने अध्यक्ष पार्कीको भनाई छ ।
