डडेल्धुरा: भारतको ब्याङलोरुमा स्कुटी दुर्घटना हुदाँ एक जनाको मृत्यु सहित एक जना घाइते भएका छन् ।
दुर्घटनामा परि डडेल्धुराको आलिताल गाउँपालिका वडा नम्बर ३ चौड बण्डले बस्ने २५ बर्षिया भैरब ठगुन्नाको मृत्यु भएको हो । सोही ठाउँ बस्ने २१ बर्षिया धन बहादुर धामी घाइते भएका छन् ।
हिजो मंगलबार १ बजे राति होटलको काम सकेर कोठा तर्फ जादै गर्दा ठगुन्नाले चलाएको स्कुटी अनियन्त्रित भएर व्यांलोरको चित्र सुर्गामा दुर्घटना भएको थियो । दुर्घटनामा ठगुन्नाको घटना स्थलमै मृत्यु भएको जनाइएको छ ।
हाल व्यांलोरुमै मृतकको शवको उद्दार र घाइतेको उपचार गराइरहेका प्रेम बोहराका अनुसार घाइते धन बहादुरको उपचार चित्र दुर्गा सरकारी अस्पताल ब्याङलोरुमा हुदैँछ भने मृतकको शव पनि पोस्टमार्टमको लागि सोही अस्पतालमा राखिएको बताएका छन् । अहिले नेपालबाट मृतकका आफन्त गइरहेका छन् । मृतकको घरमा श्रीमति एक छोरा र छोरी रहेका छन् ।
