डडेल्धुरा: दैजि-जोगबुढा सडकखण्डमा आज मंगलबार जिप दुर्घटना हुदाँ १ बालिकाको मृत्यु सहित ८ जना घाईते भएका छन् ।
कञ्चनपुरको दैजिबाट डडेल्धुराको परशुरामको जोगबुडा आउँदै गरेको से १ ज ४१७ नम्बरको बोलेरो जिप कञ्चनपुरको बेतकोट नगरपालिका- ३, सिउडीबागमा करिब २:४५ बजे दुर्घटना भएको हो ।
दुर्घटनामा परि मृत्यु हुनेमा बेदकोट नगरपालिका-४ बस्ने तारा पालकी छोरी बर्ष २ की युविका पाल रहेकी छिन् ।
घाइते हुनेमा परशुराम नगरपालिका- ९ बस्ने बर्ष ३५ का देवेन्द्र धामी, सोही नगरपालिका वडा नम्बर ११ बस्ने २४ बर्षिया बिरेन्द्र कुँवर, ३१ बर्षिया मनिसा कुँवर र २८ बर्षिया नरेश सार्की रहेका छन् ।
यस्तै अन्य घाइते हुनेमा बेदकोट नगरपालिका- ४ बस्ने ३० बर्षिया तारा पाल, उनकै १० बर्षिया छोरी प्रिन्स पाल, कृष्णपुर नगरपालिका- १ बस्ने धना बोहरा र उनका ४ बर्षिया छोरा कमल बोहरा रहेका छन् ।
घाइतेहरुको उपचार महाकाली प्रादेशिक अस्पताल कञ्चनपुरमा भइरहेको र घाइतेहरुको अवस्था बारे थप बिवरण आउन बाँकी रहेको जिल्ला प्रहरी कार्यालय कञ्चनपुरले जनाएको छ । जिप चालक फरार रहेको प्रहारीले जनाएको छ । दुर्घटना बारे थप अनुसन्धान भइरहेको छ ।
